كان فيه مره فارس فارس بس ايه
كان فارس ف المشاعر والطيبه بتجرى فيه
وف يوم زى عادته راكب حصان حقيقته
بيدّور ع السعاده ف واحده تكون حبيبته
وف عز ليله الغامق والدنيا مضلّمه
قابل اجمل اميره وقعتله م السما
اتقدم خطوة ليها قرب بلهفه عليها
مدلها ايده قامت مدتله كمان ايديها
شدها فوق حصانه واتسابقوا مع السنين
ونسى انه في الحقيقه هيعيش ويموت حزين
نسى هو يبقى ايه... نسى هى تبقى ايه
نسى لكن غصب عنه مسكين وهيعمل ايه؟
وفعلا جه الميعاد الوقت فات وانتهى
قربوا من قصر عالى وهيفارق حضنها
نزلت من فوق حصانه هدت احلام زمانه
واعطتله ورده ذكرى يمكن تدوب احزانه
دبلت حقيقى في ايده الورده من جرحها
صعبان عليها يفارق اللى خلاص حبها
رفضت عيونه تدمع رفضت اهاته تطلع
ورفض من حبه ليها انه يطالبها ترجع
ورجع وبرضه فارس ولسه بيبتسم
وحصانه ياعينى يبكى من ناره بيتقسم
خلصت هنا الحكايه حب وفارس ضحايا
قصه اسطوره جايز لكن نفس النهايه
ليست هناك تعليقات:
إرسال تعليق